العِيشة بَقِتْ مُرَّة 

وكُلَّها خُدْ وهاتْ

والصحة في النازل

وجسمه كُلُّه fat

دا احنا ياما قُلنا

‏Care killed the cat

ودا لو مش مصري

كان زمانُه مات

عَيَا ومرض وحرارة مرتفعة

واسألوا الترمومترات

ذُلّ ومَرار لكلّ ما مضى

وكُلّ ما هو آت

يا حلاوتك يا ستفاندي يا ابن عمّ البرتقان

دا احنا قمنا بثورة والمستخبِّي اهو بان

كنت تيجي تقول له حَقِّي يقولك 

‏what

وعشان تِسْلَك لازم صينية

بط

دا احنا ياما اتكلِّمنا وحطِّينا مليون

خَط

ع اللي خلَّى اقتصادنا في الأرض

حَط

ولما عِيَه على طول ع الجبلي

نط

دا انا عياااااااان وحالتي

ع الجنط

تُؤ تُؤ تُؤ ، يا ضنايا

‏Don't Tell Me That

أهو أخَد فلوسنا على برَّه

وكَتّ

يا حلاوتك يا ستفاندي يا ابن عم البرتقان

دا احنا قمنا بثورة والمستخبي اهو بان

قُلنا الجيش والشعب

إيد واحدة

وهلِّلْنا وفرحنا

ورقَصْنا ع الواحدة

والمركب هتمشي

ببركة الوحدة

وفجأة لقينا

مية واحد وواحدة

بيرغوا هنا وهناك

وكلمات مش واحدة

ومجلس عار بيضرب

ويسحل أشرف واحدة

قناع مرسوم على وشُّه

وشعب محكوم بيغِشُّه

وف مشجِّع

غِلُّه فَشُّه

والحقيقة طلعت واحدة

"يا ريتنا ما قُلنا إيد واحدة"

يا حلاوتك يا ستفاندي يا ابن عمّ البرتقان

دا احنا قمنا بثورة والمستخبِّي اهو بان